Ichijo 21 Junmai Daiginjo 壱釀 21 純米大吟釀 精米步合 21

有飲開清酒嘅朋友可能都留意到每支酒都有唔同嘅精米步合，咁精米步合係乜呢？我哋又係咪要知呢？係絕對要！

精米步合就係糙米研磨嘅比例，｢壱釀｣純米大吟釀21，只用越淡麗酒米，精米步合低至21%。21%犀唔犀利？係好犀利！ 21%就代表一粒米被研磨掉79%重量，只剩低21%精華嘅心白。

再俾個印象大家，一般精米步合只係大概60-30%左右，每磨走多10%，都要花多以倍數計嘅時間。所以要達至21%，唔只需要高超技術，仲要花大量心機同時間。你現在明白，｢壱釀｣21嘅21%，係幾咁有份量同矜貴啦。

咁點解要磨米呢？因為米粒表面含有蛋白質、維他命，但呢啲都係純米酒雜味嘅來源，因此米粒研磨得愈多，雜味愈少，口味亦愈純淨。就如壱釀21，清雅地展現出越淡麗嘅甘甜同旨味，品格優雅。

有人盲目追求精米步合，愈磨愈細，甚至低至1%嘅清酒亦曾出現過。但磨到連心白都剩返細細粒，又有乜意義呢？凡事唔係去到最盡就好，點解｢壱釀｣21唔係18、唔係25，而一定係21？佢哋嘅心思，都值得我哋深思。